不甘被睇低！视帝袁伟豪霸气反击

etin

刚刚结婚的无綫当家小生袁伟豪，因太太张宝儿出身富贵家庭，被标签做“亿万驸马”而耿耿于怀。他在演艺圈努力廿多年，终于挨出一片天，面对外界蜚短流长，他霸气反击，扬言衬得起富家女：“我唔系咁差喎！”

刚升呢人夫的袁伟豪（Ben）贵为无綫一线小生，太太张宝儿被标签是“富家女”，他被网民封“亿万驸马”，他对此苦笑说：“当我完全唔睇呢啲报道，我系好正面嘅小宝宝，正面到不得了。但当睇到呢啲评论，好多嘅字眼、所谓嘅话题，或者啲网民会攞嚟讲，多少都会有啲唔开心。”

想当年，初出茅庐到今时今日的他已是天渊之别，身价十级跳，他默默耕耘、累积财富，除与好友投资健身房，今年跟太太张宝儿联名斥资，买入6,500多万元的清水湾豪宅傲泷，还豪掷400万买了2个车位，单是豪宅首期便要付4,000万元，月供至少13万元，足见其财力雄厚。结婚当日，他戴的名表价值约150万元，而贵气十足、平日代步的名车亦价值约160万元，结婚时他更豪言：“正式1个人搵钱，2个人使钱。”

“呢个老婆旺我”

面对流言蜚语，他坦言情绪上会突然间有很大反差，但会套用前辈的说话来自我开解：“有前辈话‘伟豪都唔差呀，都叫做双料视帝、当家小生，点会衬唔起1个富家女、1个公主呀？佢哋点会唔登对呢？’咁样又好似系，我唔系咁差喎！”

人生路上种种经历，在他想平淡安稳下来之际，眼前的宝儿正是他的对象。他再次以正视听说：“不论佢系富家女又好，佢系一个咩人都好，其实都系我哋两个人嘅事。由我哋公开拍拖后，我哋嘅新闻都离不开对方，都唔知系好定唔好，系旺咗自己定系点，当然依家咁睇，呢个老婆系旺我嘅，呢3年嚟大家一拍即合，我会提醒自己继续努力去做。”

个性执着的他承认克服心魔最难，故他经常与自己倾偈，明白每个家长都想自己的宝贝女好：“掌上明珠一定系锡㗎啦！都会想个女婿对佢好，我哋顺从长辈方向去做，就要锡呢个女、呢个老婆，慢慢就会畀自己去淡化，睇开呢啲事。”自嘲是“执着怪”的他说：“如果我冇咁嘅执着，就唔会有今日，亦可能我唔系有咁嘅执着，可能会更加好呢。凡事都有两面睇，最紧要做番袁伟豪自己。有前辈畀过我一句格言‘每个人做番自己，个天就会畀条路你行’。”

​人人嗌“Ben哥”

他又自爆近年与训练班的同学见面时，个个都会叫他做“Ben哥”，他笑说：“Ben哥早晨！Ben哥前Ben哥后，哗！原来去到呢个Status（地位），我都谂一谂真系Ben哥？你睇依家训练班几叻几聪明，一嚟到知道边啲系佢哋学习对象，好坦诚虚心去学习，嗌你一声哥哥，即系叫你睇住、多多包涵咁之嘛。数一数手指，我都快40岁，锺意叫我Uncle Ben又好乜都好，我知道自己已经大个仔。”