郭可盈51岁生日孖林文龙饮到面红红 网民激赞Keep得好

etin

踏入51岁嘅郭可盈，连日嚟都不断同友人庆祝，但正日就当然要留番畀家人啦！佢哋一家三口喺维港夜景伴随下庆祝，郭可盈同老公林文龙头贴头举杯Sweet爆合照，仲饮到面红红，非常高兴！唔只咁，家人又为寿星女以气球及佢英文名Kenix布置屋企，简单得嚟又有心思，佢留言：“感谢至亲、至爱、摰友给我的爱及粉丝们的祝福🌹，不论是简单的、华丽的、浪漫的庆祝，其实最重要的是‘有你们同在’！ 😘I Love You All ! 🎉🥰🥳🌈🎂🥂🍾💝#浪漫温馨#精心布局”又不忘话要继续谨守禁聚令！唔少网民都大赞佢Keep得好好，点睇都唔似50+1，连曾同林文龙合作剧集《那些我爱过的人》嘅连诗雅都忍唔住问：“点解你哋两个都可以keep得咁好😭😭😭😭”林文龙就笑答：“你请我食饭话你知！”