做过地狱厨神！唐贝诗为健康创业卖生酮曲奇

etin

艺人唐贝诗、近年主力大陆发展的艺人陈雅丽，及“40亿千金”蔡颂思三人志趣相投齐创业，于网上卖生酮曲奇，唐贝诗与陈雅丽亲自整曲奇，手法纯熟，有板有眼，想不到她们曾是“地狱厨神”，陈雅丽说：“我之前完全冇接触过曲奇，试过喺屋企自己试，将曲奇放入焗炉焗，之后喺厅玩电脑，后来发现有烟飘出厅，即时走去熄焗炉，当开焗炉时啲烟飘晒出嚟，谂住开大门等啲烟飘走，但搞到成个走廊都系烟，之后管理员上嚟揿钟，佢以为我屋企火烛，而我嗰啲曲奇变咗非洲曲奇，全部黑色。”

唐贝诗亦试过不少焗燶曲奇的经验，她表示会不停在网上与网民互动，询问整曲奇的经验，坦言厨艺已进步不少：“当然我哋会喺出面搵专业厨师整，但个食谱系我哋研发出嚟，唔系我亲自做，所以好安全大家可以放心，我哋都试咗N次，觉得好味先做。”

谈及整生酮曲奇的原因，将减肥挂在嘴边的唐贝诗说：“因为依家市面上冇呢类甜品，对长期减肥嘅我食咗冇罪恶感，肥胖系因为升糖指数比较高致肥，呢个系0升糖，食得健康，糖尿病人士可以有多个选择。”身形纤瘦的陈雅丽，表示以前完全冇戒糖，她说：“我以前最锺意食垃圾食品，超唔健康，见佢（唐贝诗）好节制，3年冇食糖，潜移默化下都改变咗，知道糖好多坏处，同埋爸爸近年有糖尿病，开始惊会唔会有遗传，我本身好锺意食甜嘢，虽然戒唔晒，但尽量控制。”她们又表示首次创业为降低成本，会一手一脚打理，由接触制作工场到包装、订单都有亲自处理，唐贝诗说：“因为咁投资唔高，我哋最贵嘅放喺材料上。”​