“伤兵”王君馨挨身挨势 杨明10万奖金冇晒！

etin

艺人杨明、王君馨与黄嘉乐于石硖尾为剧集《我家无难事》，拍摄一场车戏，早前杨明于《万千星辉贺台庆》抽奖时夺得10万元，他表示已将此分为5份，分别送给妈妈、爸爸、女友庄思明、自己及用来做善事，说到陈百祥笑指他攞番个尾彩，他说：“嗰晚我入咗化妆间补妆，见到有人叫我个名，我以为有人喺度玩，后来先知系1厂叫出嚟，我即刻乜都唔理冲出去，之前真系有个艺人冇出去冇咗个奖，不过我自己嗰份已经用晒。（用嚟万岁请工作人员食嘢？）系呀！其实啲工作人员仲辛苦过我哋，大家开心吓啰！”

杨明之前的交通意外案件继月初提堂后，12月11日要再接受审讯，预计最快要明年才有判决。有指杨明拍摄时笑容满脸，懒理官司，又指他无意戒酒，对此，他澄清说：“我开工有笑容就系懒理？其实自己喺呢行咁多年，经历过咁多高高低低，唔通每日都要愁眉苦脸对住人？（仲话觉得唔使戒酒？）我唔系咁嘅意思，我只系话酒唔系唔饮，而系喺安全情况下饮，不过我都惯晒，啲人咁讲只系想影响我Image，影响我单官司啫！佢哋要咁讲我都冇办法，自己会平常心。”

此剧要拍至12月中，王君馨早前脚部韧带撕裂，至今还未痊愈，她谓：“企过8个钟只脚就开始肿，因为我前面条韧带裂咗，最弱嗰条就断咗，成个脚腕都唔系咁好。”她仍忍痛拍毕新歌MV：“有同排舞老师度啲舞步，尽量挨住啲櫈同床边，卸住啲力，呢首系浪漫嘅歌，希望可以圣诞前推出。”而她的老公现时于外国跟家人过感恩节，之后会返港陪君馨共度圣诞。