歌曲《原始心态》是吴业坤加盟新唱片公司之后的首只派台歌,面对身边种种诱惑,都希望能够保持初心走下去,而对于吴业坤来说,初心就只是“想唱歌”如此简单︰“参加歌唱比赛到依家10年,我觉得系冇枉过,开始对唱歌有信心,经过唔同嘅监制调教、演出经验、对音乐嘅认知,讲得出唱歌系自己嘅专长。”
有感网络发展急速,愈来愈多渠道让大众发表对公众人物的意见,他坦诚见到不实的批评会好在意,重提有网民指《原》抄袭布志纶的《森林》,吴业坤坚决否认抄歌,并无奈说︰“真系好戥成个团队唔抵,首先如果你真系识音乐,分析番背后嘅旋律,一定唔系抄歌啰!可以叫啲音乐人、博士写篇论文讲冇抄,但系咪要去到咁先?唔系呀嘛,不如用啲时间再造首新歌,依家呢个世界,觉得大家需要去进步,而唔系全信晒一个风气,要识得去分析。”
练空手道望接打仔角色 讲到他拜师学艺练空手道,经过数个月学有所成,吴业坤谦称是教练的功劳:“唔算系大跃进,对教练、自己负责任,唔系3分钟热度。”练习辛苦?他笑言:“辛苦㗎!但有人肯Push你,几辛苦都要做,其实拍戏、录音、做Gym样样嘅过程都辛苦,但要经过辛苦先有成果,系值得嘅!”他表示下个动作是想练成跳起再起飞脚,希望之后可以接打仔角色,给观众不一样的吴业坤!
|