欣宜主动求婚 许廷铿咁样反应

etin

歌手许廷铿和郑欣宜现身由黄芳雯、霍嘉恩，以及刚过档的落选港姐连佳丽，主持的香港开电视节目《30分钟大放餸》。谈到许廷铿早前出席兄长的婚礼担任表演嘉宾，他说除了做人情，还于台上献唱自己写的歌，更拍埋MV，十分认真，他表示兄长事前并不知情，故他献唱时，自己十分感动：“虽然我见唔到哥正面，但我知佢有喊，祝佢新婚美满。嫂嫂都系圈中人，同阿哥拍拖4年几，佢好顾家，又锺意煮食箍到哥个胃，又同我系同年嘅，所以都冇隔膜。”

问到在婚宴上可有给亲友催婚？他说：“咁当然有，我就回应佢哋‘快啦！快啦！’。”婚宴当晚他不停为亲友签名及合照，十足迷你签唱会，不过最令他惊讶是爸爸台上致词时，不停赞他，令他劲尴尬，其中爸爸提到哥哥带挈他入行，才令他今日成为歌手，他说：“其实呢个都系事实，因为入行之前阿哥唱歌的确比自己多，咁多年嚟，阿哥亦都好鼓励我做歌手，虽然有少少尴尬，但气氛都好Sweet。”期间欣宜插嘴说：“点解你唔写歌畀我？”许廷铿称欣宜未结婚，欣宜即说：“如果我哋结婚呢？”许廷铿闻言即没好气答欣宜。

许廷铿和欣宜两人在节目中化身成大厨，各自煮出两道菜式，许廷铿炮制西班牙海鲜饭及煎蛋饼，而欣宜就煮意大利鸡及焗蛋糕，许廷铿透露早前创下人生创举，首次下厨炮制海鲜饭给家人享用，欣宜又再玩许廷铿，笑指他煮软饭，许廷铿即反驳是硬饭。许廷铿说家人评语不错，疫情下多了时间在家中煮食，因此钻研多款菜式，也对煮咖喱甚感兴趣。

提到王祖蓝和李亚男于社交网晒女儿食嘢相，有网民笑言似欣宜，欣宜说：“仲有人tag咗我添！我觉得佢得意过我，人愈大愈明白点解长辈咁锺意睇住我食嘢，依家见到小朋友食嘢都觉得好开心，小朋友咁enjoy食物好过瘾。”​