|
无綫艺人萧正楠日前主持饮食节目,及后该食肆有员工确诊新冠肺炎,萧正楠即被列为紧密接触者,现于隔离营接受强制隔离。老婆黄翠如喺社交网有上载两公婆嘅影子合照,留言“冇事冇事”隔空为对方打气,仲加上“55555”Hashtag,原来呢堆数字系“天使数字”,寓意有巨大嘅变化降临,而呢啲变化系“相信会有更美好未来”嘅意思。此外,黄翠如亦上载1张食物照,并Tag咗萧正楠考对方数学题:“雪柜发现8只鸡翼,食咗3只剩番几只?”虽然只系1碗米粉,但已感受到黄翠如独自在家嗰份寂寞。唔少艺人好友纷纷留言为佢哋给力,包括马国明、连诗雅、周柏豪等,相当有爱。而萧正楠隔离期间亦不忘与老婆黄翠如隔空互动,佢喺社交网晒出饭盒相,叫翠如估下有咩餸:“隔离的日常,放饭啦......迷迷蒙蒙,你估系乜嘢?”翠如亦有回覆:“菜,番茄猪扒,饭?”两公婆相当冤气。​
|
|