与江嘉敏台庆互睥 冯盈盈暗寸系双面人？

etin

话题港姐冯盈盈（FYY）又有新搞作，喺节目《#后生仔倾吓偈》大讲“双面人”，网友自己“对号入座”，矛头直指FYY死对头江嘉敏！仲记得台庆当晚影大合照嗰阵，唔知系咪有心人大整蛊，FYY同江嘉敏被安排企埋同一行，两女斜视互睥，尽显霸气，中间夹住嗰个胡鸿钧直系尴尬到死，惟有耷低头避免受牵连，话晒台庆系普天同庆嘅好日子，点都唔好搞大件事！咁啱《#后生仔倾吓偈》一集以“双面人”做主题，FYY开口就话：“双面人问我最清楚，对住你一个样，对其他人又另一个样。事事都批评嘅人，一定系自己有嗰种特质，例如话人贪钱。”

陆浩明醒目食住上：“即系话你黐富二代嘅人，自己一定系想黐富二代？”冯盈盈回答：“本身有咁嘅特质，先会特别提起。由得佢哋继续讲，反正我冇做呢样嘢。（可能调转系啲富二代锺意黐埋冠军靓女度接近你？）如果佢有咁嘅言行举止一定有人知，自然有一日佢会为自己做过嘅事带嚟后果。唔需要你同佢操心，好似同佢同一层次咁，喺度争论谁是谁非。”

江嘉敏接受访问，佢话：“唔系YY（盈盈）讲嘅，我就唔回应喇！”对于盈盈指事事都批评嘅人，嗰个人自己都有嗰种特质，江嘉敏就话：“我同意佢丫，呢句讲得好啱！”

早前，有传冯盈盈上赌王四太梁安琪儿子何猷亨豪华游艇出海开P，事后就与江嘉敏反目。​