艺人黄又南、袁富华及张建声等昨晚出席电影《一秒拳王》首映礼。戏中首次扮演爸爸的又南受访时表示:“扮我个仔嘅小演员睇嚟得5、6岁,但我个角色系衰老窦,一开工我就要掌掴佢,真系有啲于心不忍,所以埋位前解释畀佢听,点知原来佢拍开嘢嘅,完全唔介意!”
又南形容自己当时“狠狠地出手”,令对方面上留下手掌印:“因为唔想拖住拖住咁,倒不如快啲、准啲,等导演快啲收货仲好。(细个时有冇畀爸爸打过?)梗系有,小学时试过扮病唔返学,后来又自己踢爆自己,我未试过惊到要闩房门、跳上碌架床逃避爸爸。其实上咗中学之后,我爸爸只会同我讲道理,佢担心体罚我会离家出走,又或者还手。”他又指疫情少了工开,自己仍坚持每星期返经理人公司开会,讨论剧本:“唔想偷懒,同埋我会喺屋企煲戏,差唔多睇返晒去年想睇嘅好作品。”
袁富华扮过气拳手坚持操肌 另外,袁富华于《一》片中扮演过气拳手,他亦自发于家中操肌:“起码要有返个骨架,不过我依家呢个年纪,蛋白质流失得好快,我唔会爆肌嘞。”刚一口气完成几套电影拍摄的他,大赞经理人本事:“可以帮我搵到咁多工作,不过我更加想电影业复苏,等个个岗位嘅工作人员都有公开。” ​
|