边对鞋最珍贵？罗子溢传呢对鞋畀下一代

etin

法国末代王后玛丽穿过的高踭鞋近日公开拍卖，以约40万港元成交，而唔少艺人都有储鞋嘅习惯，他们最珍而重之的一对又系点呢？

罗子溢：“我最珍惜嘅系一对童鞋，即系BB鞋，因为系结婚上头时嘅礼物同仪式，希望我哋同偕白首、连生贵子嘅意思，所以直到依家，我都好珍惜，仲放喺屋企做陈列品，亦希望将来会传畀下一代，继续将呢个祝福承传落去。”

李昭南：“我最有纪念价值嘅一对鞋系选华姐时候着嘅高踭鞋，差唔多5吋高，系我第1次着咁高，因为华姐系美国三藩市选，三藩市好多斜路，我着呢住呢对鞋喺唐人街做亲善活动，其实都几攰。虽然对鞋有啲残旧，但我仍然都保留着，冇唔要佢。”

黄芳雯：“我珍而重之嘅鞋，唔系自己嗰对，而系我囡囡刚刚出世时着嘅鞋，系一对初生BB鞋，呢对鞋系我佗第1胎时就买，虽然未知性别，但见得意买咗先，第1胎我系生咗哥哥先，但好彩第2胎终于生女，事隔3年都用得着，呢对鞋好有纪念价值，所以我一直Keep住。”