张曦雯不婚宣言 搏到尽加速上位

etin

30岁的张曦雯（Kelly）近年获无綫力捧，女神逐步成功上位，她却自言星途未如想像般平坦：“曾经有4、5年冇剧拍，大家完全睇唔到我。我只系默默咁累积做主持嘅经验，当时真系好渴望有机会演戏。”她对事业充满野心，去年突然抛下一切，去外国修读戏剧课程，短短个多两个月的旅程，她有感改进了自己作为演员的不足，甚至对日后人生亦有一定的影响：“起初好有挫败感，因为我本身未学过演戏，有好多不足嘅地方。老师每星期畀我哋准备一场戏，下星期就要当住同学面前，好似舞台剧咁表演出嚟，最大得着系学识唔好怕丑，同埋要细味及记低身边一切，对日后扮演嘅角色会有帮助。”

对于无綫给予的机会，Kelly深知不是天跌下来，一定要好好把握，她更愿为事业放爱情：“细个可能会对婚姻有憧憬，但依家冇话特别想生小朋友，对婚姻亦冇乜渴求，或者成世单身都可以活得好开心。反而事业刚起步，如果唔拼搏可能就会失去，对于自己个样能够出现于（剧集）海报嘅前面，真系难以置信。”Kelly以陈法拉为榜样，希望像对方付出一切去追求演艺方面的理想。

或者她与男友Mark的关系日后会持续“斋恋爱”，但Kelly提起对方，即自爆当初对方未有展开热烈追求，反而自己早已对男方情有独锺：“我啱啱搬嚟香港，透过朋友介绍识佢，觉得佢系好人一个，开始仰慕佢。可能大家都喺美国返嚟，同声同气，不过当时未有进一步，仲有段时间大家失联，不过佢每逢特别节日就会传短讯畀我，咁撞番之后约出嚟食饭，顺其自然就喺埋一齐。”

外表看似淡定的Kelly，于刚播竣的剧集《木棘证人》中扮演贴地港女，不时开口闹人。她形容自己骨子里是典型的金牛座，硬颈之馀带点冲动，而人生“最冲动1次”，便是毅然决定搬来香港：“18、19岁嗰年嚟香港旅行，突然觉得呢度生活好正，返到美国同父母交代吓，唔够1个月就嚟咗香港。（父母赞成？）爸爸系我嘅超级粉丝，会谂100个理由支持我，反而妈咪担心，佢喊晒咁好唔放心，呢次应该系我最忤逆佢嘅一次，谂番转头我当时应该考虑耐啲嘅。”来港后要独立生活，Kelly形容少了父母这两位“好朋友”倾诉心事，性格开始变得内敛，幸而演戏时可以让她释放自己。​