夹唔到期！薛家燕拒再演《十月初五的月光》

etin

艺人薛家燕、胡枫（修哥）安德尊及张美妮等，昨日下午现身电视城，为台庆彩排舞蹈。薛家燕与修哥首次为这部分演出夹舞，修哥排练时搞笑Freestyle上阵，薛家燕说：“企喺舞王（指修哥）隔篱，我梗系好紧张，所以寻晚已经抽时间学定先。”今次演出音乐采用了草蜢歌曲《华丽舞台》，歌词密集，修哥谓；“搞到我失眠咗好多晚，个脑不断无限Loop。”

谈到无綫明年初翻拍经典剧《十月初五的月光》，薛家燕说：“佢哋有同我夹过期，但明年1月真系好忙，再夹嘅话我真系唔使瞓嘞，勉强演出会影响表现，所以今次真系唔好意思。（胡鸿钧扮演初哥哥，网民反应两极。）佢同埋女主角何依婷都系公司力捧嘅，能够接到呢啲机会，我相信佢哋会努力演出。（米雪接你棒。）我都系啱啱先知，好呀，佢系好戏之人。”提到日前因病离世的曾伟权将不会设灵，薛家燕闻言眼红红，坦言应该尊重对方遗愿。​