蔡思贝绯闻“过户”胡鸿钧 余德丞唔觉甩难

etin

艺人余德丞昨日出席心肺复苏法及去颤法教育活动，他表示因年前发生意外令他更明白心肺复苏法的重要性：“喺我嗰件事发生之前，可能比较少人认识或者接触AED机（自动体外心脏除颤器），所以每年有呢啲活动我都会支持，因为我相信多啲学生从小就学识嘅话，有更多人可以受惠。（当年心肺复苏法救你一命？）系呀，所以我觉得既然咁幸运生存落嚟，都想尽自己能力做多啲。”问到他是否懂得使用心肺复苏法，他表示：“好惭愧地我自己系唔识嘅，但身边嘅人，包括屋企人、助手、好Close嘅朋友都识，好多人都系因为我嘅事而去学，我自己就工作唔定时，未有时间上堂，但大概都知点做。（咁好朋友蔡思贝识唔识？）我唔知佢识唔识喎，要问过胡鸿钧先知。（依家有胡鸿钧做挡箭牌系咪甩难？）又唔好咁讲，唔系甩难，坦白讲我哋3个都好好朋友，成日都一齐食饭，所以绝对冇‘甩难’呢件事。”他续指已重拾足球运动，但身边波友都对此感惊讶：“1个礼拜都有1次，但系好多人都话‘吓你仲踢得波？’，其实我冇咁严重嘅，依家都有Keep住做运动，所以大家都唔使咁惊讶。”至于工作方面，他透露现时忙于为台庆表演排练，希望届时能抽到现金奖。​