胡定欣出走无綫 加入邵氏继续作战

etin

两届视后胡定欣早前有传约满无綫后，转投古天乐公司旗下，但亦有传佢决定留喺无綫继续拼搏，近日正拍摄剧集《白色强人II》嘅佢，昨日喺社交网宣布离开无綫，加入邵氏，并多谢一直以嚟帮佢嘅人：“感恩一路以来遇上嘅好人好事，陪伴着我迎来新嘅一页，今日起我将正式与邵氏兄弟国际影业有限公司展开合作！感谢当年芭姐及Ben Chan将我带到TVB Management！感激乐小姐和已离世嘅佩华姐多年嘅提点，支持同机会！多谢过去18年公司艺员部同事嘅照顾，Angel、Cindy、Atom、Sam、Winpy、Daisy，有你哋陪伴我经历事业上嘅高高低低，度过很多难忘时刻！来年嘅日子以另一个模式为观众带来更多作品，继续多多指教！～”

胡定欣表示今次拍摄《白色强人II》，已经同TVB以新模式合作：“系呀！一个新的开始！衷心感激TVB多年的支持和栽培！期待与邵氏兄弟合作顺利，《白色强人II》开始会系以一个新模式合作，之后亦会参与邵氏制作拍摄！”

而2017年凭微电影《Once More》获得美国影后宝座嘅李施嬅，亦一早签约邵氏，成为旗下艺人。如今好姐妹胡定欣同样加盟，有两大花旦坐镇，粉丝都好期待新作品推出。