张振朗多女咀好艳福 蔡思贝赞有绅士风度

etin

艺人张振朗与蔡思贝昨日出席《踩过界II》宣传活动，主角之一的王浩信因工作未能现身，而之前在电视城外晕倒送院的秦煌亦缺席宣传，不过两人也有拍片为剧集打气，秦煌在片中精神不俗，但见他戴上托手肩带，他表示：“我已经好番好多，冇乜事，精神都好好，同大家报平安。”张振朗在剧中跟几位女演员都有接吻戏，他在活动上笑言要多谢监制。讲到在剧中艳福无边，振朗说：“我同张曦雯有咀嘴，姜丽文因为救我而同我人工呼吸，简淑儿想，但我唔畀。”思贝补充：“佢同思贝就冇咀，但系同癫姐（剧中角色）就有，争棚牙争好远。”问到哪个最“好咀”？振朗即时话答到出汗，思贝代他解围：“佢系个好怕丑嘅男仔，我同佢有少少身体接触佢都会问咗先，佢好有绅士风度，佢拍呢啲镜头要过好多心理关口，我同佢拍亲热戏好放心。”振朗坦言拍这类亲热镜头很紧张：“我同思贝好有默契，咁系好啲，但我宁愿拍100场打戏都唔想拍一场亲热戏。”

另外，罕有谈感情事的思贝早前于《＃后生仔倾吓偈》节目中提到与前德国男友的一段情，她笑言：“主持冯盈盈话呢个节目有魔力药水，会好似食咗诚实豆沙包咁乜都讲。呢个系人生其中一个经历，虽然同佢分开咗，但我哋依然保持联络，算系朋友嘅互相关心。（会唔会为咗另一半放弃事业？）都要睇好多因素，如果癫姐就一定会，思贝就事业行先。（会唔会惊咗异地恋？）我比较随缘，唔会分析咁多。”

至于早前已约满无綫并宣布退休的雪妮仍尽责现身剧集宣传，期间获艺员送上心意卡及鲜花，她感动到眼湿湿，雪妮受访时表示：“真系好突然，我冇谂到，我只系一心谂住返嚟宣传剧集，做好演员本分，点知大家又送花又送卡，吓死我！ 我好容易喊，但系到拍戏嘅时候又喊唔出。”她强调将来也不会拍剧或客串：“年纪同身体好重要，始终年纪大，记性都差咗。（有咩退休生活？）我冇计划，都系照旧，我喺公司23年都唔系日日开工，呢十几年都系去游水、饮茶同买餸煮饭，过一般人嘅生活。”她透露除了《踩过界II》之外，仍有三套剧未播出，包括《大步走》、《食脑丧B》以及《唐人街》，如果公司有需要定必回来参与宣传。​