最怕咸猪脷！刘浩龙捞咁多年稳守萤幕初吻

etin

歌手刘浩龙（师兄）为网剧首播开Live，讲到师兄于新歌MV中险献男男吻，他却说即使要锡都冇所谓，因为之前都有相关经验，“处男吻”就是跟乐队的男主音，但就未试过同女演员拍亲热戏，记者打趣叫师兄于现实中搵个女友锡番够本，他即扯开话题拒答。师兄又坦言好想拍亲热戏份，导演要求点锡都可以，为拍摄去到最尽：“拍咗咁耐戏都未试过真系好瘀。（想同边个女演员合作？）冇谂呢啲嘢。（熟啲嘅朋友？）仲好啲！唔熟嘅话，都会担心人哋觉得我系‘咸猪脷’。”讲到“金牌经理人”黄柏高（Paco）早前患病，后期甚至辞去高层一职专心养病，师兄指Paco生日都有私讯祝贺，日前更有跟他及谷德昭夫妇食饭：“佢（Paco）非常好！精神爽利！佢戒咗酒，我第一次同Paco食饭系饮茶！（佢依家系滴酒不沾？）佢真系好乖！都饮咗咁多年，都真系可以停㗎啦！”​