搏杀期婚后无休 郑俊弘37岁生日唔肯造人

etin

新婚后只休息一天，郑俊弘即火速开工，宣传新歌、彩排台庆，就连婚后第一个生日、37岁生日都唔放假，参与主持《流行经典50年》节目，期间工作人员推出蛋糕为他庆祝，薛家燕带头唱生日歌，又与曹永廉又分别送吻祝贺寿星仔。郑俊弘开心地说：“寻晚同屋企人食饭庆祝咗，夜啲睇吓太太（何雁诗）有乜嘢安排，我谂佢想有秘密。”他认为最惊喜就系冇惊喜，其实冇惊喜都已经好开心，自言婚后仍未回气，好攰但攰得好开心，期待下半场（摆酒）来临。生日愿望希望疫情尽快过去和身体健康，问是否准备做爸爸，他说：“未，几年后先，过吓二人世界，仲系搏杀期。（惯唔惯听到老公两个字？）好开心嘅，我都试叫佢老婆，之前叫佢做老婆怪怪地，依家实在咗，自然咗，初头有啲尴，未听过有人叫佢郑师奶，畀人叫郑生、郑太就有，佢应该识应。”​