晒唯美婚照！陈凯琳Fit到爆 坚系生咗2个？

etin

前港姐陈凯琳为老公郑嘉颖诞下两名宝贝仔，现时除咗相夫教子，亦要打理自家护肤品牌，誓要成为出色女强人。虽然贵为两子之母，但身形绝对冇走样，比以往更弗、更苗条。正所谓青春留倩影，陈凯琳最近拍摄一辑个人婚纱照，相中见佢着上低胸透视婚纱，轻纱裙摆将修长美腿若隐若现，发型更配以头巾衬托，令造型时尚又唯美。作为好姊妹嘅龚嘉欣留言大赞：“终于有得睇 😍😍😍 知道你同今次嘅团队都好用心去影呢辑相，出嚟效果真系好好，好靓！”同样为两子之母嘅胡杏儿亦留言：“Powerful。”