结婚暨爸爸70岁大寿！何雁诗代父助养70小孩

etin

歌手何雁诗和郑俊弘（Fred）日前完成签字结婚仪式后，昨晚上再于大埔西餐厅举行约70人的私人晚宴派对，圈中好友有林盛斌（Bob）、胡鸿钧、罗天宇、余德丞、谭嘉仪等。同日亦是阿诗父亲的70岁大寿，乖女在台上祝爸爸长寿不老，又说跟妈妈为爸爸的生日礼物深思了很久，最后决定助养70个小朋友，为爸爸做善事积福，父慈女孝。而何爸爸亦说过去30年来，在世界各地助养约200至300个儿童，又表示望女儿于娱乐圈发展外，亦可代表香港参加高尔夫球赛。

阿诗接受访问时，谈及送给爸爸的“大礼”，她说：“爸爸份礼物都谂咗几个月，因为系大寿，想送份得体啲同有意义，我今年又唔系搵好多钱，谂唔到买咩畀佢好，因为好多嘢佢自己都买咗，所以我哋同妈咪一齐助养70个小朋友，佢本身都好锺意做善事，希望佢锺意啦。”

她又表示全晚玩得好开心亦觉得好感人，与Fred又互送礼物：“我就将自己写畀佢嗰首歌，写咗一个英文版本，整咗一条片畀佢，系我哋以前啲相，呢几年一齐嘅合照。我事前唔知Fred静静鸡咁录咗一个《为你锺情》嘅‘Fred版本’，仲有个同我由细同我玩到大嘅朋友，因为疫情返唔到嚟，但佢准备咗个蛋糕畀我哋。”

讲到阿Bob疑太高兴饮大两杯，于场内多次大嗌粗口赠兴，她笑言：“尤其一班参与签字仪式嘅朋友，饮多两杯情绪都好高涨，见佢咁兴奋，我都好开心嘅！”问新婚夜可有加紧造人？她怕丑笑住话：“造人就未有啦，哈哈哈，好攰，寻日好早起身，呢啲嘢唔急嘅！”