郑俊弘何雁诗婚礼场地临时挞Q

etin

歌手郑俊弘荣升“6亿驸马”，与何雁诗将于周六结婚，踏入人生新阶段，但婚礼却一波三折！两人年初宣布订婚时，原本打算年底在美国酒庄行礼，但其后爆发疫情，故改为留港结婚。原本已订好场地，岂料距离婚礼只得几日，突然传出场地有变！据知，一对新人原本属意在1间欧陆式餐厅举行婚礼，但餐厅采取“拖字诀”迟迟不肯报价，等到最后限期才回覆，竟然 是狮子开大口，开出一个“离晒大谱”的天价，令他俩嬲到爆之馀又要临时临急另觅场地，最后终落实在沙田某酒店的户外园林草地行礼。

“出轨”见番初恋男友

将成为人妻兼前日度过生日的何雁诗，昨日到电台宣传新歌《基本恋爱套路》时大方承认此事：“本身想简单啲，喺同一间餐厅入面搞掂晒（指行礼及食饭），但唔知系咪因为我哋好迟问，所以价钱好高好高、好唔合理，超出咗预算好多，所以临1个星期前改咗行礼地 方，好彩有公关帮手！大概10日前先知要转地方，佢即刻当晚帮我哋搵，我都系头先啱啱先同行礼地方开完会，终于落实到。（有冇嬲嗰边或唔开心？）系处理手续上比较复杂，好彩我同Fred唔算过分紧张，身边姊妹同公关都好帮我哋，仲紧张过我哋！”

即将结婚仍勤力出来工作，何雁诗笑说：“其实到结婚前1日都仲做嘢，如果我喺屋企嘅话就会紧张！好似寻晚仲发噩梦，梦到我同初恋男友结婚，真系好担心，好彩起身见到Fred喺隔篱先即刻放心晒！”她透露婚礼细节已大致落实，问到是否已想好玩新郎环节？她笑说：“希望尽量短暂时间内用痛苦啲嘅形式完成。（舍得玩Fred ？）其实主要都系玩伴郎团，张頴康嗰啲就要辛苦啲，对于玩佢我好舍得！总之甜酸苦辣、冰火都会有！”

​认老窦有帮手：大部分自己畀

提到有指Fred荣升“6亿驸马”，何雁诗坦言不知父亲有多少身家：“我哋系财政独立，希望爸爸嘅钱自己储番，退休舒服啲。（Fred有冇唔开心？）唔知佢睇咗报道未，但我哋都睇得好化，最紧要同屋企人关系好。（结婚爸爸有冇帮手？）有啲嘢需要佢帮手，虽然疫情下我哋嘅收入都好低，但大部分都系我哋自己畀。”

此外，Fred跟夫婚妻一样在婚前把握机会勤力出歌，日前为剧集《木棘证人》主题曲《谜团》拍摄MV，以 傻神探查案为主题，并以夸张搞笑演技表达，他笑说：“自细好锺意睇无厘头演绎方式，今次可以用喺MV上，真系拍得好开心，我仲特别要求畀我重现星爷用皮鞋形风筒吹头嗰幕经典场面。”