黎诺懿指台庆将现场直播：观众想睇几时煮燶嘢

etin

艺人黎诺懿与陈炜在将军澳电视城为《万千星辉贺台庆》项目彩排。黎诺懿与陈炜分别在台庆剧表演煎牛排和煮龙虾。讲到台庆是否如去年般录播？他说：“会先预拍一啲镜头，到台庆当晚就会即场煮。（冇现场观众？）有当然会开心点，感觉一齐玩，场面冇咁冷清，希望可以快啲全面开放番。（担唔担心直播煮嘢失手？）失败吓先好睇，有啲观众就系想睇你几时煮燶嘢。”陈炜则指在屋企可以慢慢煮，现场时间仓促，也有机会失手。笑问黎诺懿会否唱国语歌助兴？他自嘲说：“我广东话都未搞掂，仲讲国语，唱完以后唔使捞，献丑不如藏拙，如果我唱得就去咗星梦，唔系揸镬铲啦。”陈炜又透露为台庆夜已准备好“战衣”亮相，黎诺懿笑指她最近亮相节目服装相当有睇头，加高个子的他避视线相当辛苦。​