汤洛雯晒白滑长腿床照“色诱” 马国明流晒口水

etin

艺人马国明同汤洛雯（靓汤）拍拖后，唔单止常出双入对，仲成日喺社交网上互动，真系好Sweet。靓汤喺网上甫靓相，马国明都会支持畀like。今次靓汤就上载咗一张着上白恤衫坐喺床上晒白滑长腿嘅靓相，不经意嘅性感，十分诱人。佢留言：“每天都在学习长大，忽然觉得，其实所谓的成熟，也许就是努力试着爱上人生的不完美罢了！”靓相一出，网民当然大赞，仲赞佢仙气十足，但当中发现佢妹妹汤乐瑶留言，问佢点解会喺佢间房？被笃爆用咗阿妹房影相嘅靓汤即时还击：“因为你借咗我件外套，所以我用番你间房。”网民笑佢同阿妹感情要求，点解要咁计较。而马国明懒理两姐妹网上互笃，畀咗三个流晒口水嘅表情图案，靓汤张相成功“色诱”到男友。​