1亿豪宅最大用途？汪明荃铺海量靓衫晒太阳

etin

艺人汪明荃（Liza）一向紧贴潮流，除咗自创“汪阿Tag”，衣着品味亦非常出众，经常令人眼前一亮。昨日佢趁天气晴朗，拎出海量衣服喺花园晒衫，目测至少逾200件，摆满几张长枱、衣架及地下。Liza与老公罗家英家住市值近1亿的西贡3层高豪宅独立屋，有逾千呎嘅超大私人花园，可饱览一望无际嘅海景。Liza回想起儿时回忆：“这个习惯由细个嗰阵已开始，当年住喺北角清华街，一座四层楼嘅旧式楼宇，地下系车房租出做一间小士多店，仲有顶层一个大天台，我家住3楼，仲有一个骑楼。每年放暑假，妈咪都要我同家姐细佬负责将家中各人的冬天衫、棉胎等搬上天台去晒太阳，系一个好大嘅工程，仲要连续晒2日，确保所有衣物都清洁、杀菌、冇蛀坏、冇发霉⋯⋯咁做啲衫就可以着耐啲襟啲。仲记得晒衫嗰阵我会担櫈仔坐定定睇公仔书、武侠小说，因为我要守住／睇住啲衫、惊畀人偷咗呀！……童年的快乐时光。”

由于场面壮观，连胡蓓蔚（豹嫂）都留言大赞：“啲衫会唔会靓得滞？”Liza回应：“对住成堆衫，我谂紧究竟用咗几多钱同埋心机，为咗演出好，可以去到几尽？值得吗？”豹嫂即附和话当然值得，又称：“阿姐你直情系我嘅偶像，有好多fans话我似你。”​