何广沛被飞出《白色强人II》劲Sad 网民喊晒口

etin

无綫剧《白色强人》开拍第二集，但主角兼视后李佳芯（Ali）就被飞出冇得演续集，不过唔只佢，仲有港姐冠军冯盈盈及何广沛呢一对都冇得留低！

《白色强人II》日前举行记者会，仲嚟个大晒冷，3位视帝陈豪、马国明、郭晋安及2位视后胡定欣、唐诗咏都有出席，点知另一边厢，何广沛就上载2019年拍摄《白色》嘅照片，留言：“今日很多人挂住德仔！😢”仲加埋个流泪Emoji，字里行间都流露不快心情，网民都洗版留言：“点解《白色强人2》冇咗你同FYY（冯盈盈）嘅？”、“本身冇咗Ali但见仲有德仔就谂住睇啦，依家连德仔都…😭😭🤧…”、“德仔跟书婷一定是去了度蜜月😭”，个个都喊晒口咁仲话好嬲，连江嘉敏都问：“冇咩？”

虽然呢套剧冇咗何广沛，但佢喺新剧《异搜店》及《食脑丧B》都担任男主角，而佢都覆网民：“仲有信仔同丧B仔畀你拣！🙈”何广沛接受访问时表示：“我都唔清楚，其实系公司安排，可能系剧情需要。（可惜？）少少啦，话晒拍过《律政强人》、《白色强人》，都系做主角嘅徒弟仔。”​