吴千语27岁生日 化身“艾蜜莉”

etin

艺人吴千语昨日27岁生日，一班好友蔡卓妍（阿Sa）、曾乐彤及马天佑等寻晚提早为佢庆生，佢哋更将Dress code定为大热美剧《艾蜜莉在巴黎》（Emily in Paris），齐齐仿效女主角嘅打扮，其中阿Sa与两位好友都跟足Emily造型，均戴上红色画家帽。而寿星女则着上绿色格仔裙，当晚除咗收花之外，仲收到多个蛋糕，非常开心。此外，千语喺社交网晒出自拍片，期间意外令闺房曝光！片中见环境非常阔落，有一张双人大床外，化妆枱上摆有各种护肤品，墙上更有块巨型圆镜，方便爱扮靓嘅佢随时照镜！​