戴祖仪同罗天宇划清界线：我哋冇发展过

etin

歌手戴祖仪为香港画家举办画展，很荣幸可以帮对方主办画展，作品结合运动及日常生活的元素。问到喜欢艺术的她，可有入手买画？她透露有买一幅：“唔想自己Hold太多幅，畀其他人拣完我再买。”她谓自己平时都有画画，但只是“BB班”水平，未有实力开画展。她又笑自己兴趣多多，但周身刀冇张利：“我以前都有做过陶瓷，我系嗰啲咩都试吓但乜都唔精，我太多嘢锺意玩，锺意艺术、唱歌、主持。（你系一个花心嘅人？）系呀。”


问到拣男友时都可会如此花心？她说：“我想花心都冇得花心啦，要有对象先得㗎，我依家真系冇拍拖！”她谓现时没有时间拍拖：“呢排好多嘢做，冇时间谂拍拖，连覆朋友Message时间都冇，一起身就覆做嘢Message。”问到男仔识艺术可会加分？她说：“又未必，因为玩艺术嘅男仔多才华，一定好受欢迎，我个人比较霸道，但同时又锺意做被驯服，好矛盾，哈哈。”但讲到之前罗天宇追她？她说：“过咗去、冇发生就唔好提，嗰时一班朋友打波就熟咗，但依家我冇打波，所以都冇联络，我哋冇发展过。（佢追你？）我Feel唔到就系冇追㗎啦。”