行山减肥变增磅！卫诗雅运动完丧食格仔饼热狗

etin

艺人卫诗雅近年成为“美食KOL”，拍片四出“食好西”，但就因为咁令同行嘅导演增磅不少！卫诗雅今次转同导演行山减肥，以此“慰劳”对方。片中见佢以短裤仔上阵，展现白滑美腿，非常养眼。不过起步冇耐，佢已经想投降，更笑言：“头先有个位有风，我即刻心虚，因为我觉得自己已经瘦咗，惊畀啲风吹走，今次我真系对得住导演。”几经辛苦佢终于行完全程，点知去到目的地就开始疯狂进食，买咗成枱小食，包括格仔饼、萝卜糕、热狗等，令佢都忍唔住表示：“今日嘅减肥计划正式宣布失败，导演，你做完运动食咗4只热狗，肚腩仲大过以前。”​