当蜡笔小新遇上女神 罗仲谦跳海向杨怡示爱

etin

拥42吋胸肌的罗仲谦（谦谦），加上粗眉大眼，是不少女生倾慕的典型，不过他形容自己于2004年入行时外貌如蜡笔小新：“嗰时条一字眉真系吓死人，依家系靠发型、运动同埋包装啫。求学时系波牛，冇畀女仔倒追，（外貌）完全冇着数，初恋都系拖吓手仔咁咋，冇乜特别。”

直到遇上太太杨怡，谦谦体内激情突然爆发，竟试过冒险示爱：“冬天一个夜晚想畀惊喜佢，跳咗落海向佢示爱，当时以为十拿九稳，点知都系衰咗，不过当时我又冇乜嘢，想向佢展示诚意嘛，仲心谂：‘又行前咗一步喇！’谂番转头未必会再咁冲动，又冻又危险。”

于主演的新剧《木棘证人》中，谦谦夹于张曦雯（Kelly）及张秀文之间，剧情中段“反高潮”交代他获张曦雯“献媚”，但仍锺情“超级港女”张秀文！谦谦今次“艳福”教身边朋友羡慕不已：“佢哋追问我同Kelly有冇咀戏，有两、三场啦，有浪漫有激情，Ending嗰场应该最吸睛，系我主动上网搵资料度桥同监制倾点去拍，效果理想，不过同我以前拍电影嘅亲热戏比较，湿湿碎啦！”回顾今年成绩，谦谦疫市杀出血路，工作从未间断，令他感恩，但对于“争视帝”，他再次强调只是说笑，对奖项抱随缘心态。​