删完再出Post！谭凯琪晒脚仔相宣布囡囡出世

etin

39岁艺人谭凯琪私事甚为低调，无论系婚事定有喜都唔声唔声，今年6月佢喺社交网上载孕照，见到凸肚先肯宣布怀孕消息。昨日佢喺社交网晒BB脚仔相，仲话BB出生时重6磅8，不过佢好快就将个Post删咗，不过佢再快手都唔网友手快，一早已经有人cap低咗！之后谭凯琪再喺社交网宣布囡囡BabyG出世嘅消息，佢仲以Staycation嚟形容呢个过程，两个人Check in，三个人Check out，非常有意思！佢话好开心BB加入大家庭，报喜话母女平安，多谢大家祝福！谭凯琪受访时谓：“开刀生，因为要喂奶，所以要准时休息、食嘢，咁先有气力。（B女似你吗？）BB个样依家每日都变紧，有啲似我，又有啲似老公。”好姊妹龚嘉欣接受访问时表示：“真系好开心，最紧要妈妈同BB健康平安，之后会约埋Grace（陈凯琳）去探佢哋。”陈凯琳开心表示：“好戥佢高兴，我哋一班姐妹都好期待BB出世。去探BB时当然会买嘢畀BB，会买啲比较实用嘅嘢。”​