睇好攞视帝！张文慈罗仲谦新剧拍出真感情

etin

艺人张文慈（Pinky）于无綫新剧《木棘证人》内，与型男罗仲谦发展一段“姐弟情”，二人戏里戏外互相关心，结果培养出真感情。拍摄期间二人互相为对方庆祝生日，如今剧集出街，Pinky更向这位“细佬”送祝福﹕“之前喺《跳跃生命线》内，扮演我细佬嘅马德钟攞咗视帝，今次我都希望‘再下一城’，谦谦能够得奖，我就安乐晒喇。”

Pinky今次演得相当投入，对戏中谦谦女友之一的张秀文相当挑剔﹕“觉得秀文唔够好，同埋觉得佢想呃谦谦啲钱，所以成日同佢斗气，好唔锺意佢。有场戏讲佢蒸水蛋畀大家食，我就怪佢唔关心谦谦受伤嘅伤口。（现实生活中你都系‘麻烦姑奶’？）梗系唔系，完全相反添，好记得当年细细佬锺意咗佢依家太太，我仲鼓励佢发力去追，又为佢祈祷想佢成功。有次细细佬喺台湾，想买信畀女友，都系我教佢应该拣乜嘢礼物，到依家我都同弟妇好friend㗎。”

身在内地工作的她未能返港配合剧集宣传，Pinky相当内疚﹕“因为我同人签咗约，加上返嚟需要隔离关系，所以真系唔得，辛苦晒其他拍档喇，我会喺网上落力出甫宣传。”

​