做阿妈难抽身！锺嘉欣《儿科医生》系最后一套剧？

etin

艺人锺嘉欣昨日为剧集《儿科医生》的主题曲《好好珍惜自己》拍摄MV，星梦老板何哲图也有到场探班。嘉欣透露上一次主唱剧集主题曲已是六、七年前，今次很开心有份拍剧及唱主题曲：“首歌系我半年前喺温哥华写，冇谂过做主题曲，我有份呢套拍剧，知道来龙去脉，觉得首歌好适合，系绝配。首歌系我作曲，我只系填咗两句填，后来交咗畀填词人写，我花两个钟头同佢讲咗我想我表达嘅嘢，佢将啲字美化同升华，我听完都喊，我畀身边朋友听，佢哋都有喊同听到毛管戙，老公同仔女都听过，佢哋话以我为傲。（录音时有冇喊？）冇，因为已经听过好多次，但我拍摄某啲场景前会听番呢首歌，会令我拍摄更投入。”

另外，专程由温哥华返港拍剧的嘉欣透露已留港三个月，还有36日戏份，她坦言：“好挂住小朋友，比我想像中难挨，算系离开小朋友最长一次，之前谂住我来港两个月安顿好，小朋友就飞过来，但我隔离完冇耐，香港嘅疫情又爆发，所以打乱咗计划，依家唔知点算。如果小朋友嚟嘅话，我会留耐啲，否则拍完剧我就即刻飞返去温哥华，我已经执好行李。（一对仔女系咪好挂住你？）我最担心个女，个仔仲好细，佢对我冇乜留恋，囡囡会话挂住我叫我快回家，不过佢哋喺温哥华有好多人锡，唔系挂念得好辛苦，反而我一个人喺香港就更加挂住佢哋，老公都好辛苦，要饰演两个角色。”问到有此经历，下次还愿意返港拍剧吗？嘉欣坦言不太敢：“所以呢部可能系最后一部剧都唔知，有可能十年后再拍，因为拍剧一走要走咁耐，我个心唔知点算，做妈咪好难抽离，再拍要考虑清楚。总之当系最后一部剧，做到最好，家人好支持我工作，唔想令佢哋失望。”​