万绮雯再扮蓝凤萍唱歌 网民惊叹女神唔识老

etin

今年亚姐即将进行决赛，虽然历届亚姐质素都比较参差，不过当中亦都有唔少样靓身材正嘅代表，就好似翁虹、万绮雯、罗霖、杨恭如、陈炜等，而当中被封为“最美亚姐”嘅万绮雯（蚊蚊），拍过唔少大受观众嘅剧集，被网民封为长腿女神。佢近年淡出幕前，好少喺香港演艺圈出现，但系佢都会喺社交网同网友报告近况，仲不时日常生活短片，同大家开心Share。佢喺今个月初已经踏入50岁，不过招牌童颜同埋煞食长腿依然喺度，就算素颜上阵，一样可以保持到个靓样，皮肤仲好唔错添！佢近日上载咗段Key嘴唱歌嘅短片，重现佢喺经典剧《我和春天有个约会》中演嘅蓝凤萍，翻唱周慧敏歌曲《最爱》嗰幕，留言：“听过蓝凤萍的歌声吗？今天万绮雯唱给你听啊！”唔少网民都大感惊叹，大赞佢嘅冻龄神功认真犀利，近镜都完全睇唔到佢面出嘅岁月痕迹，好似完全唔识老，十足时光倒流24年一样呀！​