【妈妈的辛酸】锺嘉欣自爆有尿渗问题

etin

已为两个小朋友妈咪嘅女神锺嘉欣，最近喺社交平台分享“What＇s in My Bag”影片，将手袋内嘅物品毫不保留，一一骚畀大家睇，连最私人嘅女性用品都骚埋。嘉欣袋仔细细，但收容量不能忽视，放咗廿件物品，各式各色咩都有。一向视家庭为第一位嘅嘉欣，当然会带一家四口家庭照，又有贴纸，方便随时可以凼两个小朋友，之后仲维他命、银离子水、西兰花油、化妆用品、笔、纸巾、工作证，蜡烛同火机等等。


嘉欣又展现咗佢长情嘅一面，晒银包嗰阵，佢话银包都用咗十年，而随身带备嘅扇亦用咗五年，之后除咗有带耳机外，佢仲有带耳塞，佢话：“因为我个人比较内向，太多人同我讲嘢，我会头晕或呼吸困难，唔系想冇礼貌，有时想有个静啲嘅地方。”之后嘉欣又搵到啲护垫，仲大爆自己产后嘅烦恼：“呢啲女性用品，因为我个小朋友都系顺产，我有时会有小小尿渗，太肉紧或打乞嗤或跳得太高，就需要有小小护垫。”