【选美团再聚】陈茵媺戚黛黛愈嚟愈似 网民又误会

etin

前港姐冠军陈茵媺与同系港姐出身嘅曹敏莉、张嘉儿、朱凯婷及戚黛黛组成嘅“选美团”不时都会见面，不过因为疫情关系佢哋都好耐冇聚会，前日佢哋终于难得齐人相聚，提早为18日生日嘅戚黛黛庆祝，茵媺以英文留言：“我谂自去年开始基于社交距离关系，好耐冇同佢哋见面，1.5小时嘅聚会对我哋呢个港姐团嚟讲，根本唔够！”有网民就错重点，留言问：“She’s your sister 😱?（佢系你姊妹？）”仲要加个好惊讶嘅Emoji！其实唔系第一次有网民觉得陈茵媺同戚黛黛系两姊妹，早年都已经有人问过同样问题，睇睇吓两人又真系愈嚟愈似样喎！​