陈柏宇8个月零收入烧百万“老本”乞食咁滞

etin

新冠肺炎疫情肆虐多时，娱乐圈深受其害，歌手、艺人呆坐等饭开，身为一线歌手的陈柏宇亦难逃厄运，坦言8个月以来入不敷支，无奈垫出近百万“老本”维生，难怪他自嘲要“乞食咁滞”，就连1蚊都唔放过！ 他再自爆在冇收入的情况之下，网购再遇骗子，简直是在伤口上洒盐！


曾与友人投资两间火锅店的陈柏宇（Jason），因受新冠肺炎影响，无奈一执笠、一顶手，最后损手离场，副业发展一落千丈，同时作为抢手“隐世歌王”的他，表示自疫情肆虐后，足足有7、8个月没有工作零收入，这段“真空期”惟有慢慢搣“老本”，更惨爆说“乞食咁滞”︰“好彩之前有储落钱，喺呢两个月就多番啲有钱Job，又出新歌上电视宣传，咁都冇咁慌！”问到平时使费好大？他自爆每月平均使费要6位数字，保守估计8个月就“烧钱”近百万︰“又要交租、保险、饮食、电费、车，希望之后工作量会多啲，11月中再会出新歌。（有冇叫老婆符晓薇使少啲？）有讲两句嘅，但好难阻止，佢为工作要买衫都冇计。

又中伏畀人呃

“饿”极一时，前晚终于“开斋”迎来疫后首个有观众的公开音乐会，有份参与演唱的Jason受访时大感兴奋，表示久未出席公开骚，当记者打趣笑言“赞助”他1蚊时，他即刻“𦧲饭应”︰“畀1蚊我都会要，哈哈！”即使收入大减，作为慈父、暖爸的他宁愿悭自己，都要给爱女Abigail最好，决心忍手不再乱使钱，却无奈再受骗︰“好想买高尔夫球。（又买？你上次畀人呃喎！）嗰次之后又再呃多次，哈哈！仲有电子产品，收入冇问题嗰阵买咩都豪爽啲。（出咗新电话买唔买？）梗系唔买！你送畀我就用，今次疫情经历咁多，学识积谷防饥。”

两父女撼崩牙

讲到发现刚满两岁的Abi门牙崩了一角，Jason解释：“有日佢爬地下嗰阵跣手，只牙撼咗落个地下度。”问到可会心痛？他竟然说“冇乜”，还抵死笑话囡囡好型：“有打畀做医生嘅朋友问，话冇乜问题，最怕系影响牙根，之后会换牙嘛，我自己都崩咗只牙，细个争咪唱K撼到。（之后睇实个女？）唔好畀佢做啲太离谱嘅危险动作，虽然父母内心深处都会有随时出意外嘅谂法，但都要放手畀佢去试。”