老婆方媛学Dance！郭富城赞两个女遗传劲舞天分

etin

天王郭富城与导演黄庆勋担任网上节目嘉宾，分享正能量。城城表示在疫情下，发觉身边好多朋友都不开心，谂埋一边，所以想分享正面讯息，无论面对疫情或工作，都会遇到困难，认为冇嘢解决唔到，觉得明天一定会好，他建议大家思想上和身体上作出调节，如做运动和吃甜品，令自己开心。他自爆也曾遇过困境，试过演出彩排时，去照太阳灯希望拥健康肤色，却忘记戴眼罩，致双眼发炎，又试过做演唱会时弄伤脚，要扎住脚继续做骚，亦曾在电影扮演孙悟空，黐毛发致敏感，为免愈忟愈焦虑，惟有调节心态。

城城自言好少放弃，一定坚持到底。提到太太方媛近日学跳舞，他即冧笑说：“好欣赏佢，佢知自己跳舞唔叻，所以去挑战，抽时间去学，充实自己，我有睇过佢嘅跳舞片，OK呀！佢唔系上咗好多堂，睇到有天分，只系之前未发掘到出嚟。（迟啲演唱会一齐跳？）咁紧张？使唔使一家上台？大家开心就得。”他说在家会与两个女一齐跳舞，亦大赞两个女有天分，笑说：“遗传因子，佢哋非常活跃。”另外有指城城早前捐出100万助电影基层工作者，他说：“交畀公司处理，可以出一分力等如仁慈，会尽量帮人，唔系净系钱，要真诚真心，（有冇教两个女助人？）佢哋细个未必知，但有教佢礼貌上，凡事要感恩。”​