余香凝婚礼饮到断晒片 玩到撞埋墙

etin

刚爆出喜讯的余香凝（Jennifer）与现年40岁的未婚夫陆政渡日前入纸注册，据知，他们已定于下月14日，在尖沙咀半岛酒店举行婚礼，近日两人亦正忙于筹备婚事。


而日前与好姊妹吴嘉熙（Cheronna），现身网上**宣传新歌，更大谈饮醉酒经历。余香凝率先自爆，曾参加婚礼饮到“断片”出丑：“当时第一次去海外婚礼，其实同主人家唔系好熟嘅，但系好开心啦，我冲出嚟玩Game斗饮酒，咩酒都沟晒！最后印象就系第二道菜，咁就去到第二朝早，清醒番之后，我同朋友讲‘寻晚冇呕都几叻’，点知望一望张床，全部都系呕吐物。之后朋友问我头有冇痛，原来我寻日坚持饮酒，推低啲劝酒嘅朋友，自己都撞咗埋墙，成个过程完全冇印象。”

吴嘉熙就话自己饮醉酒会呕“黄胆水”，试过醉住酒陪家人扫墓，她笑指性格“好癫”，曾被旧爱逼到发恶：“我试过企上去烂咗嘅玻璃碟度，宁愿鎅烂自己啲手手脚脚，叫佢‘可唔可以唔好再嘈啊！’。我觉得自己性格个恶顶个位系太直肠直肚，有时系唔畀面嘅，另一角度睇就系好诚实啰。”