|
艺人陈欣妍(Shirley)以一身运动装打扮拍摄美容院广告,着上Sports Bra露腰大骚美好身段,首次拍美容院广告嘅佢,透露为保持美好身段唔食饭两日:“我平时好大食,好锺意食饭,所以都特登戒咗两日饭,连零食都冇食。”
问到Shirley今次有几位酬劳?佢指系开心价,有工开已经好开心:“酬劳好满意,疫情下有**搵我开工已经好开心,之前都拍咗个饮品广告,下次希望有食物嘅广告拍,例如薯条、雪条。(样样都好肥喎!)所以要做运动。”
讲到早前Shirley同男友沈震轩被拍得疑似同居,佢冇否认表示:“其实我哋都已经一齐咗三年咁耐,都已经系公开,唔系咩秘密。其实我哋都成日见面,所以冇乜所谓,都好开心呢三年佢见证住我工作嘅成长,因为三年前我都系啱啱入行。”
|
|