黄静蓝恨同吴彦祖合作 靓仔顾家系完美Package

etin

现年25岁、“乐基儿师妹”黄静蓝（Nam）任职模持儿工作4年，凭着美人胚子和一脸青春可人气色，多年来获广告商垂青，广告身影随处可见。她透露在大学期间获父亲的朋友介绍下入行，笑言：“一开始时乜都唔识，好紧张。因为嗰时都有喺写字楼做实习生，放午饭或放工就跟公司同事去Casting，先发现影相时个感觉轻松好多，自己锺意影相多过返写字楼朝九晚五嘅生活，所以毕业后选择咗做模特儿工作。”问到会否希望幕前发展，她表示：“其实兴趣真系好广泛，有机会当然想试。最希望可以有机会见到吴彦祖，可以同佢合作系梦想。（锺意佢啲咩？）靓仔唔使讲，好型、演技好。成个感觉系一个好顾家嘅男人，成个Package好完美。”

个性好动的她，除了模特儿工作外，亦正香港大学修读Social Science硕士课程，同时亦经营时装网店，生活相当充实，她说：“依家发觉一日24小时真系唔够，模特儿工作和读书其实已经好忙，加埋经营网店真系冇时间休息。以前会有时间去睇手机，上网、睇电视、煲剧，依家真系冇晒，啲时间用咗经营网店，研究将来发展、覆客人Message。我比较幸运，平均每日都仲有6至8小时睡觉。做模特儿睡眠好充足，因为好多客户系Skin Care产品，所以皮肤质素都系好重要。”黄静蓝表示个人比较活跃喜欢创新和赏试：“我个人性格好急，锺意乜都试吓，觉得唔识就要去学，始终年轻，有咩事都仲输得起。”​