被指女尊男卑老公唔开心 胡杏儿遇“小三”：伤身又伤心

etin

暂别香港电视圈一段时间的胡杏儿终于回归公仔箱，伙拍艺人朱栢康（朱康）在ViuTV新剧《熟女强人》中饰演一对“女主外，男主内”的夫妻，两人关系看似风平浪静，但背后危机四伏。今次是两人首度合作，新鲜感十足，朱康称面对视后杏儿，完全没有压迫感，大赞对方十分照顾自己﹕“第一日见杏儿，就要影啲亲密嘅家庭照，作为男仔好尴尬，唔好意思做主动，杏儿好好，佢知道我有呢啲顾虑，所以佢会做主动。”

杏儿亦礼尚往来盛赞朱康好戏：“电视上佢系新人，但演艺上佢绝对唔系，佢提名得电影金像奖一定唔简单，台词功力劲，好少NG，大家合作好有火花同默契。”她对两人的一场“摊牌”戏印象尤其深刻﹕“嗰一场戏大家好似机关枪咁互相爆发，排完戏，等正式拍摄嗰几分钟好似等咗好耐咁，肾上腺素一直飙升，连个胃都抽筋。”

讲到“女主外，男主内”这个议题，杏儿对此深有体会，她称当年跟现任丈夫拍拖时就经常被媒体塑造成女尊男卑：“佢会唔开心，但我好多谢佢嘅理解，当年都系一个难关，咁难得搵到另一半，怕吓走呢个人，你需要一个好坚强嘅伴侣，有个好强嘅信念。（你点安抚佢？）冇得安慰，要佢自己过到呢个关口。（依家系女主内？）冇分，好弹性。”而朱康亦曾有过一段经济拮据的日子，但庆幸当年未结婚，亦没有家庭负担：“虽然屋企冇要求我畀钱，但都有种好冇用嘅感觉，我都想养家，但力有不递，所以当年成日想转行。”

剧中男主角因小三界入以至婚姻亮红灯，问感情路上有否试过有第三者？杏儿坦言：“话冇就呃你，每一个人细个到依家都有啲经历，不过呢啲经历伤心又伤身，所以依家唔会，都系好细个嘅事，依家冇精力，凑仔已经好辛苦。（你呢行多诱惑，老公对你好信任？）呢方面大家做得好好，佢系绝对畀到好足够嘅安全感畀我，我都系，例如唔会玩失踪，所以好安心。”

朱康自言年轻时血气方刚，特别容易跟对手挞着或者有第三者，但人大了就不会重蹈覆辙，曾经历离异的他亦强调离婚不涉第三者，现时单身的朱康笑言要在访问中征婚及征友，问择偶条件？他说：“年纪系上下五年，圈内圈外都冇所谓，沟通到就得，互相扶持好重要，我锺意幽默女仔。”另外，杏儿今次为ViuTV披甲上阵，被指倒戈打无綫，她称不会感到尴尬：“我唔系特登，咁啱有呢个机会，角色、班底同剧本我都锺意，所以就合作，我都希望有机会回娘家。”至有传她跟同剧的吴千语不和，她否认：“其实系冇，我同佢都几夹，大家做咗好朋友，佢系好爽朗嘅女仔，大家合作好开心。”​