好戏之人点拍戏？赖慰玲张振朗埋位唔讲嘢都笑

etin

艺人赖慰玲于无綫剧集《反黑路人甲》演社团大家姐，该剧已圆满结局，但观众对其霸气角色热情仍未减退。她日前出席公开活动时透露该剧故事内容精彩，拍摄过程亦相当愉快，没有多想过自己角色受欢迎与否：“估唔到大家锺意我同张振朗呢对，我哋一黑一白、一尊一卑，剧情发展落去唔只上司下属，会有啲情喺度，对比有呢啲会更吸引。”

问第一次演大家姐如何说服观众？她说：“演番个劣根出嚟，哈哈！好开心反应好，（之后戏路会转变？）其实呢个方向好多嘢可以试，今次系黑社会霸气，如果放上商业社会、职场又点？要睇监制点处理，可以试多一两套，角色放唔同状况系点。”

对于振朗赞她好戏，二人合作可以互补不足，赖慰玲即回敬，赞振朗喜剧触觉感强，自己理论上较佳：“拍时我哋好多爆肚，大家开头好客气，笑到要估佢今日畀咩我，有时唔讲嘢都笑，多谢几位导演畀空间去试，唔可以错过兴奋状态，（想再合作？）当然想，唔只谈情，今次有喜剧成分，都想知两个戏痴走埋一齐，做正剧咁做得唔得，一撞埋一场戏可以拍十日。”​