艺人张达明及顾定轩作客TVB娱乐新闻台节目《StarTalk》,接受主播许文轩专访,二人大谈拍摄电影《麦路人》感受,顾定轩表示跟众多前辈合作难忘,他说:“开头接戏见到有咁多好戏之人自己都好惊,起初有啲担心Handle唔到,戏中有啲肢体同情绪上嘅嘢都同导演、编剧倾咗好耐,其中有场戏要出手打阿嫂,我未试过打女人,初初都唔敢落手,系导演叫我狠心打落去。” 张达明表示今次首次跟万梓良合演,他称实在太吸引﹕“佢点演我就点去,跟番佢个节奏同Energy,唔可以输畀佢,另外我入行唔多唔少都同佢有关,我面试第二Round,系拣咗佢曾经演过嘅《EQUUS》一段戏做畀锺景辉睇,之后我就入咗演艺。”而张达明凭电影首度获得金像奖最佳男配角,他坦言以前做男主角,更难有提名:“因为啲对手太强,太多高手争,而且我演开喜剧,喜剧好难有提名,所以今次我好感恩,因为我病过,得奖证明我可以做到嘢!” 对于将来接戏方面,达明说:“我唔系普通人,我病过嚟,所以接戏前要睇下自己演唔演到,跑上跑下畀人追嗰啲真系唔得,但我依家肥番,靓仔番少少,我有讲笑同导演黄庆勲讲可以拍啲“揽锡”戏。”
|