艺人张曦雯(Kelly)昨日下午为健身室担任剪彩嘉宾,席间她透露自4月拍毕《踩过界2》后,一直处于休息状态:“好享受喺屋企Hea,都有间中做运动拉筋嘅,不过健身设备唔齐全。男朋友有叫我去行山,不过我怕晒黑又怕热。”问到她是否已展开同居生活,她大方承认:“系,但又唔算完全同居,系因为我啲猫猫狗狗需要人照顾,工人姐姐又唔系好识,佢咪过嚟帮我睇啰。(唔惊相见好同住难?)唔会啦,如果要闹交平日都可以,我哋两个嘅相处比较和平,好少拗撬。”
她透露下月开始为《白色强人2》开工:“呢排都开始试造型,同埋拍吓预告、热吓身咁。依家剧本都出到廿几集,可以有充分嘅准备。今次故事系两年之后,我会同郭晋安及陈豪有类似嘅三角关系。(好沉重?)应该系轻松嘅,好多角色好诙谐,相信会睇得好开心。”由于有唐诗咏及胡定欣等等坐阵,Kelly对该剧开拍相当期待,认为应该“好好玩”。​
|