刚加盟星梦娱乐的歌手JW(王灏儿),被指跟菊梓乔(Hana)、吴若希(Jinny)争做“一姐”,一直有传JW加入无綫大家庭是希望可以拍剧入屋,成为公司新宠的她,一签约即获点名力捧,据知她心愿以偿,被委以重任担任新剧女一,比Hana及Jinny仲巴闭,算系先赢一仗。 JW回覆说:“我一直都系等紧通知,都未肯定㗎,签约新公司当然好希望拍剧,唱吓剧歌多啲新尝试,如果有机会我都会好开心。”听闻今次JW主演的新剧,是当年主理《冲上云霄》、《On Call 36小时》等经典剧的金牌监制潘嘉德回巢开拍,男主角则找来已离开无綫的实力派演员敖嘉年。 潘嘉德接受访问时谓:“我依家睇紧有关资料,TVB叫到我唔会推搪,我之前喺TVB做咗40几年,母校一样,佢哋都会考虑我能力、体力系咪做到先搵我嘅,以我所知,同以前监制工作有区别。” 而此剧的男主角敖嘉年亦谓:“我依家系部头合约。(做男主角有冇压力?)有得做男主角好多谢公司,受宠若惊,暂定十月中开拍,同JW合作都好,佢拍剧方面应该系新人,我都有听佢啲歌,好好听,所以都好期待,完成晒手头上嘅嘢要留须。”
|