为囡囡重读K1 张继聪自认同老婆有差距

etin

艺人张继聪跟主播俞咏文同陈振安直播倾偈，甫开始问到张继聪于疫情期间有咩搞作？他即发挥笑匠本色，幽默说重读K1，因为就读K1的囡囡每日都要网上上堂：“3岁小朋友点识揿电脑？要同佢一齐上堂，又要帮佢拍低啲画同小劳作上载，严格上系主力读番K1。”又谓在家隔离期间跟小朋友认识更多，关系更好︰“之前花咗好多时间拍戏，Miss咗好多时间，依家可以同小朋友过返啲重要时刻，但个仔中三、个女K1，都要不停转换教育方法去沟通。”

讲到近期推出新歌《David Harleyson》，他自爆本身由出两首歌变做三首歌，没有唱片公司做“靠山”变相更自由，希望于年底可以推出第二首新歌。问到可有想过跟老婆谢安琪（Kay）及仔女合唱？张继聪抵死笑言︰“街坊福利会咁喎，咁要新年先得，齐欢唱嘛！”再讲到自己一直抱住自由心态去栽培小朋友，不会逼小朋友做不喜欢的事，他指仔仔对音乐没有兴趣，故他现时尝试用结他引诱囡囡，于她面前成日弹结他，希望终有日感染到囡囡。

讲到Kay，他笑言十几年前于新人时期曾合作过，然后又趁机会放闪光弹，大赞老婆于现今香港乐坛有一定的地位︰“我好欣赏佢，成日听好多佢嘅歌，而依家我系一个独立歌手、自资歌手，即系一把年纪都有音乐梦，会自己出钱做音乐、搞骚，觉得依家同老婆个距离好远，希望做好啲先同佢合作。”​