【视后级喊戏】畲诗曼《使徒》情绪瞬间大爆发

etin

最近无綫重播剧集《使徒行者》，当年剧集首播时大获好评，相信呢次翻播都吸引唔少剧迷追睇，而女主角畲诗曼（阿畲）仲凭“钉姐”一角，夺得最佳女主角及最受欢迎电视女角色两大奖项。而数到阿畲喺剧中经典位，当然系阿畲一晚死三个阿妈嗰场爆喊戏啦，场戏讲到佢好担心咁赶去医院，之后到得知第一个阿妈嘅死讯，阿畲瞬间情绪大爆发向医护人员狂吼，当心情仲未平复之际，又再传来第二个阿妈嘅死讯，佢行去床边揽住阿妈嘅尸体爆喊，但系惨事一波接一波，当第三个阿妈亦宣布离世，阿畲嘅情绪已接崩溃，接受唔到现实，掩住双耳同自己讲：“我三个阿妈都冇事呀！”呢场戏被网民封有超视后水平演出，所以最终封获封视后，都绝对值得啦！

其实除咗阿畲之外，过往都有唔少喊戏，都畀网民封为经典“视后级喊戏”，一讲你都肯定记得嘅！就好似蔡少芬喺《洛神》演嘅绝色美女甄宓，除咗造型靓到爆之外，最经典一幕就系演曹丕嘅陈豪要置演曹植嘅马浚伟于死地，强迫马浚伟要七步成诗，蔡少芬不忍情敌兄弟骨肉相残，蔡少芬含泪摆出丝绢半遮面嘅甫士，激发马浚伟诗潮，保住小命外仲可以“寸”埋陈豪，原来靓到杀死人之外，仲可以救人。

而讲到喊得最夸张，就一定唔可以唔提胡杏儿啦，被网民封为“胡囧囧”嘅佢，因为喺2008年时装剧《当狗爱上猫》同古装剧《太极》，每次想表达伤感时，眼耳口鼻都乸埋一旧，再加上佢嗰两条好委屈嘅八字眉，似足个“囧”字喎！

早前喺剧集《杀手》喊到伤心欲绝嘅龚嘉欣，早喺于2016年《幕后玩家》“爆喊大婆”一角，凭借歇斯底里嘅喊戏，以经勇夺“最佳女配角”，难怪佢早前接受访问，都话想挑战做视后添！​