一家三口草原漫步！袁咏仪生日蛋糕劲有心思

etin

影后袁咏仪（靓靓）前日（4日）49岁生日，因为疫情关系，食肆又净系可以两个聚餐，所以唔可以一班人大肆庆祝，但只要有老公张智霖及儿子张慕童陪同，亦系一件好幸福嘅事。

靓靓昨日喺社交网上载咗一张蛋糕相，蛋糕上一家三口手拖手喺草原上行，同时又上载咗蛋糕嘅原图相，见戴住黑超嘅张智霖拖住靓靓，靓靓拖住儿子，喺广阔嘅草原上，三人视线一置望前面，情景既和谐又温馨。靓靓一定好锺意呢张相，所以好朋友专诚根据呢张相整咗个蛋糕同佢庆祝，蛋糕草地底面仲放咗好多名牌手袋，完全好了解靓靓嘅喜好，靓靓留言：“谢谢所有好朋友在特别时间，这段时间跟我一起特别的渡过，今天这个蛋糕就充满美好的回忆！”