汤怡自认冇安全感 最惊男友消失！

etin

艺人汤怡现身剧集《反黑路人甲》宣传活动，她表示在一集中，七个喜欢王浩信的女仔终于同场出现，直言自己跟角色性格十分相似：“喺现实生活中，如果个男仔身边好多女仔，我唔会争，我会自动退出，如果系我就唔需要争，如果个心唔喺我度，争嚟都冇意思。（你有冇遇过？）好在冇。（人哋争你？）唔系。我系一个好冇安全感嘅人，希望可以搵到一个令自己有安全感嘅人，至少要清楚大家嘅行踪同埋做紧啲乜，唔会消失咗几个钟唔见人。（会唔会Check住对方手机？）我唔会，最基本系对大家有信任，试过身边朋友去check对方手机，结果真系check到啲嘢。我宁愿唔check，宁愿佢呃我一世，知道咗好难一齐，始终两个人相处最紧要都系信任。”问到现时可有追求者？汤怡坦言有朋友介绍异性给她：“认识中，我一来冇时间拍拖，同埋想慢慢相处，唔会为拍而拍。（唔拣圈中人？）有话特定，睇相处感觉。（可能同前度洪卓立翻挞？）呢个唔答啦。”​