卫诗雅挑战火焰鸡煲 重现火烧厨房一幕

etin

艺人卫诗雅出名系“地狱厨神”，佢曾自爆有次喺屋企煮嘢食，竟然唔小心火烧厨房，相当惊险，而呢日佢拍片下厨，就再次“玩火”，认真牙烟！


今次佢挑战煮火焰鸡煲，虽然只系简单将食材切件备料，但见佢斩鸡时鸡手鸭脚，开蟹时更搞到成只蟹烂晒，果然不负“地狱”之名！

之后去到戏肉，佢开火落镬时，喺鸡煲上倒酒点火，重现火烧厨房一幕！虽然煮食过程七国咁乱，但制成品却出奇地似模似样，认真估佢唔到。