预告生一子一女 王君馨：搞情趣唔好靠男人

etin

艺人王君馨（Grace）为TVB娱乐新闻台《StarTalk》节目任嘉宾，自资六位数字出新歌的她，直言乜都一脚踢，但都要特别多谢陈友，因对方借出游艇让她与MV导演可以去搵沙滩景。

今次拍MV发生了很多事，Grace说：“拍摄前一星期，我个Stylist（造型师）入咗医院、排舞师喺排练嗰时又晕咗，而其中一位舞蹈员仲整亲膝头，我当时真系崩溃，去到沙滩拍摄时，又突然狂风暴雨，自己惟有祈祷，好彩之后突然停雨立即狂拍，非常感恩，真系关关难过关关过。”

谈到生育方面，Grace表示一切随缘，计划生一子一女：“唔知点解依家冇咁讨厌BB，之前觉得小朋友同BB好难沟通，因为唔知佢哋喊系表达乜嘢，似乎呢一两年慢慢开始Ready！”而她跟老公结婚三年，问如何维系关系，Grace说：“情趣就唔好靠男人，惊喜等我嚟，我觉得跳舞可以增加情趣，（你会跳舞畀老公睇？）都会！当然唔使排晒舞，跳一啲有美感嘅舞就得。”​